17-18.10.2024 ж Университетте «Адам және денсаулық. Медицинадағы мультидисциплинарлық көзқарас».
Басқарма төрағасы-ректор Алтай Дюсупов құттықтау сөз сөйледі. Мыңнан астам ғалымдар қатысатын Мед-Конгресс оффлайн және онлайн режимінде өтеді. Конференцияға Жапония, Үндістан, Ресей, Австралия, Жаңа Зеландия, Өзбекстан, Непал, Молдова, Қырғызстан, АҚШ және басқа елдерден ғалымдар қатысты.
Конгресс аясында 23 шеберлік сағаты өткізіліп, оны отандық ғалымдар ғана емес, алыс-жақын шетелдерден келген қонақтар да өткізді. Конференция әртүрлі бағыттағы 9 секция бойынша өтті.
«Педиатрия, акушерлік және гинекология заманауи әлемдік трендтер аясында» секциясы «СМУ» КеАҚ-ның үлкен мәжіліс залында өтті. Секция жұмысына Қазақстаннан да, көршілес елдерден де ғалымдар қатысты. Барлығы 15 баяндама, оның ішінде шетелдік әріптестердің 4 баяндамасы тыңдалды. Баяндамалардың тілдері орыс, қазақ тілдерінде болды, сонымен қатар балалар аурулары пропедевтикасы кафедрасының ассистенті Сәкім Д.Ғ. баяндамасын ағылшын тілінде оқыды. Секцияда жаңа бағалау шкалаларға, балалар мен жүкті әйелдердің ауруларын емдеуде және диагностикалауда заманауи тәсілдерге қатысты жаңа ақпараттың үлкен көлемі ұсынылды.
