Радиология кафедрасында «Радиология» мамандығы бойынша резидентураға түсуді жоспарлаған интерндерге арналған Ашық есік күні өтті.

Іс-шара барысында келесі мәселелер қарастырылды:
✔ Білім беру бағдарламасының талаптары – оқытылатын пәндер, практикалық дағдылар көлемі, сәулелік диагностика әдістерін меңгеру.
✔ Клиникалық базалар – резидентурадан өту мүмкіндіктері Семей, Павлодар және Өскемен қалаларындағы жетекші медициналық орталықтарда.
✔ Жабдықтар мен технологиялар – рентгенография, КТ, МРТ және УДЗ сияқты заманауи бейнелеу әдістерімен танысу.
✔ Радиологтың мультидисциплинарлық топтағы рөлі – клиникалық мамандармен өзара әрекеттесу және диагностика үдерісіндегі маңыздылығы.

Болашақ резиденттер тәжірибелі кафедра оқытушылары мен клиникалық тәлімгерлердің жетекшілігімен оқып, диагностика әдістерін меңгеріп, күрделі клиникалық жағдайларды интерпретациялауды үйренеді.

Іс-шара кафедра мен клиникалық базаларға экскурсиямен аяқталды, қатысушылар оқу жағдайларымен танысып, өз сұрақтарын қоюға мүмкіндік алды.

Радиология бойынша резидентура – заманауи диагностикалық әдістерді меңгерудің және медицинаның маңызды саласында кәсіби дамудың сенімді қадамы!