Жыл сайын 20 қазанда Дүниежүзілік остеопорозға қарсы күрес күні атап өтіледі! Дүниежүзілік Денсаулық сақтау ұйымы бұл күнді 1997 жылы қоғамның остеопороздың алдын алу, диагностикалау және емдеу туралы жаһандық хабардарлығын арттыру мақсатында белгіледі.
Остеопороз-ең көп таралған аурулардың бірі және халықтың ауруы мен өлім-жітім құрылымында жетекші орын алады. Көптеген эпидемиологиялық зерттеулер көрсеткендей, остеопороз кездеспейтін бірде-бір нәсіл, ұлт, этникалық топ немесе ел жоқ. Бұл ауру ауруханада сүт безі қатерлі ісігі, стенокардия, қант диабеті және басқа ауруларға қарағанда көп таралған болып табылады.
ДДСҰ критерийлері бойынша остеопороз 18,6 миллион адамда, оның 8 миллионы әйелдерде (50 жастан асқан адамдар арасында-оның жиілігі 21% құрады)және 2 миллион адамда анықталды. Жыл сайын тіркелген 1,5 млн.сынықтардың ішінде 700 мың жағдай – бұл омыртқалардың сынуы, 300 мың – дистальды білектің сынуы және 250 мыңнан – жамбас сүйегінің сынуы және барлық басқа локализациялардың сынуы, ал бұл сынықтарды емдеуге кететін шығындар $13,8 млрд. долларға жетеді.
Қауіп тобына ерте менопаузасы бар әйелдер; эстроген тапшылығы бар; алты айдан астам глюкокортикостероидтарды қабылдайтын адамдар; қант диабеті сияқты метаболикалық бұзылулары бар; темекі шегу және алкоголь қабылдайтын адамдар жатады.
Остеопороздық сүйек сыну қаупін болжау үшін әлемде ең көп қолданылатын құрал-FRAX калькуляторы. Қазақстандық халық үшін бұл калькулятор еркін қол жетімді (https://frax.shef.ac.uk/FRAX/tool.aspx?lang=rs).
Аталған іс – шараға байланысты Семей қ. 1-курс резидент-ревматологтар кафедраның клиникалық тәлімгері М.ғ. к., профессор М. В. Горемыкинаның жетекшілігімен “Семей медицина университеті” КЕАҚ кардиоревматология бөлімі пациенттерімен “Ашық есік күнін”өткізді. Іс-шара барысында пациенттер осы аурудың клиникалық көріністері, диагностикасы, емі, және алдын алу туралы хабардар болды. Сондай-ақ, барлық қатысушы пациенттерге остеопороздың даму қаупін анықтау үшін бір минуттық тест өткізілді. “Минуттық тест” нәтижелері бойынша: 28 пациент қатысты остеопороздың даму қаупі 67,8% құрады.. Кейбір көрсеткіштер бойынша пациенттерге остеопороз диагностикасының “алтын стандарты” болып табылатын рентгендік денситометрия жүргізілді.
“Семей медицина университеті” КеАҚ ішкі аурулар және ревматология кафедрасы